Hvað kostar að fara eftir Lög um almannatryggingar 69. gr.?

Það er mjög algengt af stjórnvöldum með hjálp lífeyriskerfiskerfis og bankaveldis að sýna réttindum aldraðra og fatlaðra vanvirðingu með því að skerða þeirra tekjur til muna. Með því að brjóta stjórnarskrá og lög sem búin til eru úr stjórnarskránni með því að leggja launalítið fólk í einelti. Af hverju er þess með farið? Því eftir efnahagshrun bankanna október 2008, byrjuðu stjórnvöld með hjálp lífeyriskerfiskerfis og bankaveldis að skerða öldrunarlaun  og örorkulaun margra, að nú á dögum lifa margir aldraðir og öryrkjar í fátæktargildru sem stjórnvöld með hjálp lífeyriskerfiskerfis og bankaveldis hafa vísvitandi fyrirskipað til þess að svelta þá sem minnst eiga. Því samkvæmt Lög um almannatryggingar 69. gr. nr. 100/2007 segir: „BÆTUR ALMANNATRYGGINGA, svo og greiðslur skv. 63. gr. og fjárhæðir skv. 22. gr., SKULU BREYTAST ÁRLEGA í samræmi við FJÁRLÖG HVERJU SINNI. Ákvörðun þeirra skal taka mið af LAUNAÞRÓUN, þó þannig að þær hækki aldrei minna en VERÐLAG samkvæmt VÍSITÖLU NEYSLUVERÐS. [http://www.althingi.is/lagas/141b/2007100.html]“. Sem og aldraðir og öryrkjar hafa barist til launaleiðréttinga, enn útfrá hjartalausu og þrjósku stjórnvaldskerfi með hjálp lífeyriskerfiskerfis og bankaveldis hafa þau ekki enn séð sig til til að fara ekki eftir lögum heldur leika sig að því að brjóta þau sér til skemmtunar með þeim afsökunum og spillingu að það er ekki til nóg peningar til að lagfæra þann skaða sem þau vísvitandi sköpuðu.

Enn hvernig stendur á því að laun annarra hækka svo sem atvinnumanna, bankastjóra, alþingismanna og annarra stjórnarmanna; er bara til nóg peningar fyrir þessa einstaklinga? Og hvað hafa aldraðir og öryrkjar gert til að stjórnvöld með hjálp lífeyriskerfiskerfis og bankaveldis hafa komið svona illa fram við þau að þau hafa þurft að kalla fram réttlæti daufheyrðra stjórnvalda með hjálp lífeyriskerfiskerfis og bankaveldis sem ekkert hafa bætt kjör þessara launalitla hópa? Búum við ekki í réttaríki sem stjórnarskráin syngur við eyra þessara þverpólitísks réttarríkis sem segir í 65. gr. æðstu stjórnarskrálaga: [Allir skulu vera jafnir fyrir lögum og njóta mannréttinda án tillits til kynferðis, trúarbragða, skoðana, þjóðernisuppruna, kynþáttar, litarháttar, efnahags, ætternis og stöðu að öðru leyti. • Konur og karlar skulu njóta jafns réttar í hvívetna.] sem og 76. gr. og  1 mgr. segir: [Öllum, sem þess þurfa, skal tryggður í lögum réttur til aðstoðar vegna sjúkleika, örorku, elli, atvinnuleysis, örbirgðar og sambærilegra atvika. • Öllum skal tryggður í lögum réttur til almennrar menntunar og fræðslu við sitt hæfi. • Börnum skal tryggð í lögum sú vernd og umönnun sem velferð þeirra krefst.] sem og lýðveldisstjórnarskráin upphrópar með sínum fullum styrk í 1. gr. Ísland er lýðveldi með þingbundinni stjórn. [http://www.althingi.is/lagas/139b/1944033.html], enn margir af þessum lýðveldissinnum og kjósendum sem stjórnarskráin talar mikið um er úthýst af spillingu og óréttlæti lögbrjóta sem leika sig fingrum fram við að brjóta Lög um almannatryggingar 69. gr. nr. 100/2007 sér til afsökunar með því að segja: „Svona er þetta bara!“.

Og hvað með Samning SÞ Um Réttindi Fatlaðs Fólks, sem tekinn var til undirritunar þann 30. mars 2007, sem segir samkvæmt 28. gr., um viðunandi lífskjör og félagsleg vernd:

1. Aðildarríkin viðurkenna rétt fatlaðs fólks og fjölskyldna þess til viðunandi lífskjara því til handa, m.a. viðunandi fæðis og klæða og fullnægjandi húsnæðis, og til sífellt batnandi lífskilyrða og skulu gera viðeigandi ráðstafanir til að tryggja og stuðla að því að þessi réttur verði að veruleika án mismununar vegna fötlunar.

2. Aðildarríkin viðurkenna rétt fatlaðs fólks til félagslegrar verndar og til þess að njóta þess réttar án mismununar vegna fötlunar og skulu gera viðeigandi ráðstafanir til að tryggja og stuðla að því að þessi réttur verði að veruleika, m.a. ráðstafanir:

a) til þess að tryggja fötluðu fólki jafnan rétt til aðgangs að hreinu vatni og að tryggja aðgang að viðeigandi þjónustu, tækjabúnaði og annarri aðstoð gegn viðráðanlegu gjaldi vegna þarfa sem tengjast fötlun,

b) til þess að tryggja fötluðu fólki, einkum fötluðum konum og stúlkum og fötluðu eldra fólki, rétt til þátttöku í áætlunum á sviði félagslegrar verndar og áætlunum um að draga úr fátækt,

c) til þess að tryggja fötluðu fólki og fjölskyldum þess, sem lifa í fátækt, aðgang að aðstoð frá hinu opinbera til þess að mæta útgjöldum vegna fötlunar, þ.m.t. útgjöld vegna viðeigandi þjálfunar, ráðgjafar, aðstoðar í fjármálum og hvíldarumönnunar,

d) til þess að tryggja fötluðu fólki aðgang að áætlunum um byggingu húsnæðis á vegum hins opinbera,

e) til þess að tryggja fötluðu fólki jafnan aðgang að eftirlaunum og eftirlaunasjóðum.

Sem og stjórnvöld hafa ekki enn bundið sig við að samþykkja og viðurkenna að réttur fatlaðra er margbrotinn útfrá samningi SÞ, því ekki eru aldraðir og öryrkjar enn búin að sjá stjórnvöld gera áætlanir „um að draga úr fátækt“ eins og Sáttmáli SÞ orða það.

Sem og 2. gr. sáttmála Evrópusambandsins sem og Ísland er undirritaður að og er í aðild að, sem orðast svo:

Gildin, sem liggja til grundvallar Sambandinu, eru virðing fyrir mannlegri reisn, frelsi, lýðræði, jafnrétti, réttarríkið og virðing fyrir mannréttindum, þ.m.t. réttindum þeirra sem tilheyra minnihlutahópum. Þessi gildi eru sameiginleg aðildarríkjunum í samfélagi sem einkennist af fjölhyggju, banni við mismunun, umburðarlyndi, réttlæti, samstöðu og jafnrétti karla og kvenna.

Og 3. gr. sáttmála Evrópusambandsins, sem orðast svo:
 
1. Markmið Sambandsins er að stuðla að friði, vinna að þeim gildum sem það byggist á og auka velsæld þjóða sinna.

2. Sambandið skal leggja borgurum sínum til svæði frelsis, öryggis og réttlætis án innri landamæra, þar sem fólki er tryggð frjáls för og viðeigandi ráðstafanir gerðar að því er varðar landamæravörslu á ytri landamærum, hæli, innflutning fólks og forvarnir og baráttu gegn afbrotum.

3. Sambandið skal koma á fót innri markaði. Það skal vinna að sjálfbærri þróun Evrópu á grundvelli jafnvægis í hagvexti og verðlagi, afar samkeppnishæfu, félagslegu markaðshagkerfi, þar sem markmiðið er atvinna fyrir alla og félagslegar framfarir, ásamt öflugri umhverfisvernd og auknum umhverfisgæðum. Það skal stuðla að framförum á sviði vísinda og tækni.

Það skal berjast gegn félagslegri útskúfun og mismunun og stuðla að félagslegu réttlæti og vernd, jafnrétti kvenna og karla, samstöðu kynslóðanna og verndun réttinda barnsins.

Það skal stuðla að efnahagslegri samheldni, félagslegri samheldni og samheldni milli svæða og samstöðu meðal aðildarríkjanna.

Það skal virða þann auð sem er fólginn í margbreytileika menningar og tungumála og sjá til þess að staðinn sé vörður um menningararfleifð Evrópu og henni gert hátt undir höfði.

4. Sambandið skal koma á efnahags- og myntbandalagi þar sem evra er gjaldmiðillinn.

5. Í samskiptum sínum við umheiminn skal Sambandið halda á lofti gildum sínum og hagsmunum og vinna að þeim, sem og stuðla að vernd borgara sinna. Það skal stuðla að friði, öryggi og sjálfbærri þróun á jörðinni, samstöðu og gagnkvæmri virðingu meðal þjóða, frjálsum og sanngjörnum viðskiptum, útrýmingu fátæktar og verndun mannréttinda, einkum réttinda barna, sem og að því að þjóðarétti sé fylgt að fullu og hann þróaður áfram, þar á meðal að meginreglur sáttmála Sameinuðu þjóðanna séu virtar.

6. Sambandið skal vinna að markmiðum sínum með þeim hætti sem samrýmist þeim valdheimildum sem því eru veittar í sáttmálunum.

Sem og sáttmáli ESB orðar það með „virðing fyrir mannlegri reisn“ og „virðing fyrir mannréttindum, þ.m.t. réttindum þeirra sem tilheyra minnihlutahópum“ með „banni við mismunun, umburðarlyndi, réttlæti, samstöðu og jafnrétti karla og kvenna“ með því að „berjast gegn félagslegri útskúfun og mismunun og stuðla að félagslegu réttlæti og vernd“ með því að „stuðla að vernd borgara sinna“ með „útrýmingu fátæktar og verndun mannréttinda“. Þannig ef það er eitthvað hjarta til í þessu spillta kerfi, sýnið þá virðingu við það að leiðrétta laun þeirra sem kallað hefur eftir réttlæti, því það kostar ekkert nema tilfinningu til þeirra sem kallað hefur eftir ykkar hjálp. Þannig ef þjóð sem á að kallast lýðveldi Íslands og á að eiga von til betri framtíða, dragið þá úr þessu einelti, því nóg er komið af ykkar kæruleysi sem þið hafið valdið ykkar þjóð, því fátæktargildrur eru ekki útrýming til fátæktar heldur til skammar ykkar lýðveldis þjóða.

Kær vonbrigðis kveðju,
Magnús Ragnar (Maggi Raggi).